Fengyuan's profile山在海中PhotosBlogListsMore  |  Tools Help |
|
January 29 华中逷雪了 Huà-dŭung dâung suók lauCĭng-ciáng mâ̤ sōng, cuòi kō̤-nèng sê â-dāu gūi nièng nguāi diŏh Dṳ̆ng-guók guó gì mì-ék siŏh ciáh chŭng-cáik, buōng-lài é̤k hō̤-hō̤ có̤ si̤ŏh ciáh nièng, dáng-sê cī dáu Huà-dṳ̆ng gì suók-căi ī-gĭng ciŏng iā sâ̤ nè̤ng ngó̤h buáng-duô-dŏng lau. Sông-màng-buŏ tiăng-gōng Nàng-gĭng gáu Ăng-hŭi gì duô iā kék cáik dau, mâ̤ báik nguāi gì K45 huōi-chiă ô-mò̤ dâi...
January 26 A step forwardVirginia Tech gì gáu-sêu ī-gĭng hāu Admissions Office céng-ká̤ huák luŏh-chṳ̄ tŭng-dĭ, hĭ-uông â̤ sông-lê. Sŭi-iòng ĭ gă lau siŏh bĭh dèu-giông: 2 nguŏk 28 hô̤ cĭ-sèng diŏh dák-hók, bók-guó nâ sê cuòng-cĭng kék nguāi offer, nguāi dék ciēu â̤ guó siŏh ciáh hō̤ nièng lau. Lêng-nguôi siŏh bèng, Ohio State gì sĭng-siăng iā diŏh cék-gék buŏng nguāi sĭng-chiāng ciōng-hŏk-gĭng, bless myself~~~ January 23 Another interview, from MSE@VT!Thank goodness! 今年暝卖失业了，若是会去Virginia Tech，亦算对会起自家其前程
Hĭ-uông ciā Dâi-hŏk kō̤-ī ká̤ nék-giāng huák ciáng-sék gì offer, cūng-kuāng nguāi ciáh â̤ ăng-ăng-sĭng có̤-nièng. I wish...
status:
apply: 20
offer: 0
preoffer: 1
interview: 2
rej: 0 复发现蜀隻會写平话字其侬复发现蜀隻會写平话字其侬 Bô huák-hiêng siŏh ciáh â̤ siā Bàng-uâ-cê gì nè̤ng.
GnuDoyng发现其blog：http://arabian-nights-1001.spaces.live.com/
Cūng-kuāng gì nè̤ng uŏk sâ̤, Hók-ciŭ-uâ uăk â gì hĭ-uông cêu uŏk duâi
Tiĕng-êu nguāi Hók-ciŭ! January 21 Dâa ék ciáh Offer.Gĭng-dáng, South Carolina Dâi-hŏk gì gáu-sêu huák lì email, gōng é̤k kék nguāi RA. Dīng lau cĭ-muāng òng, cūng-sáung ô lau dâ̤-ék ciáh offer. Sŭi-iòng gōng South Carolina Dâi-hŏk nâ -sê nguāi dò̤ lì bō̤-dā̤ gì hŏk-hâu, bŭk-guó dó̤i sèng lâng găng nguŏk huàng-chó̤ bŭk-ăng gì nguāi lì gōng, ciā offer kī-mā bō̤-céng nguāi bék-ngiĕk ī-hêu mà̤ sṳ̆-ngiĕk lau.
Dŏng-iòng, dâi-gié iā mò̤ cĭ-muāng gāng-dăng, ĭng-ôi South Carolina cĭ ciáh gáu-sêu hāu nguāi lâng lā̤-bái cĭ nô̤i kék ĭ dák-hók, dŏng-dā̤ sê kó̤ gó sê ng kó̤. Dó̤i cūng-kuāng gì hŏk-hâu, nguāi mò̤ kō̤-nèng mā-siông dák-éng. Gó hō̤ ô siŏh ciáh Virginia Tech gì sĭng-săng iā siā diêng-cṳ̄-piĕ kék nguāi, muóng nguāi dó̤i ĭ có̤ gì magnetic materials ăng-mò̤ héng-ké̤ṳ. Guó hĭ-uông ciā sĭng-săng â̤ ká̤ nĭk-giāng hùi nguāi piĕ, nguāi ciák ô-nĭk-gáu có̤ gŏk-diâng.
Dék ciēu, nguāi siŏng-séng nguāi gĭng-nièng-màng â̤ diŏh Mī-guók lau... |
|
|
